Kopfablage

  • MünsterAktuelles
  • Über mich
  • Kopfablage
  • Gedanken
  • Bäume
    • Baumgedichte
    • Mein Freund der Baum
  • Ideengestaltung

    Kopfablage

    23/05/2020
    23 Mai 2020

    Methode van Aaken

    In` t leste Joahr sinn mii acht graute Eken verdrüügt.
    Se stonnen tweehunnert Joahr an eenen Graben
    de hebbt se nu uutbaggert
    unn doabii de Wuorddeln van de Baim uutrietten
    dat kosstt se iähr Liäbben.

    Kuorrt för Wiehnachten
    mossen se dran glaeiben
    boll lachen se annen Grund
    een Beld toot grieenen
    et nützt nix
    wii müett nu uprüümen.

    De gröttste Eek
    häff bieet Fallen
    ne Birk unn ne graute Wittbuche
    mettrietten annen Grund
    verkeilte Äst heel düörneene
    dieep innbohrt in denn Boden.

    De moderne Technik rückt vandage nich mit de Piaerde
    ne Seilwinde treckt licht de Stamm von sess Meter
    sonn`n Harvester kümp mii nich inn`n Buschk
    boll laggen se alle anne Stroat
    sesstain Festmeters van mien Holt
    stuorben an usse Liäbensweise.

    Nu stell dii för
    Du häss blooß twee Hände
    dee siebbensimsig Joahr ächter sick hebbt
    ne Saage met nen Motor
    unn ne olle Schuffkohr
    för dii ligget acht graute Eekenkronen.

    Loat`t Wiräks men goahn
    frischk doahn iss half wunnen
    ussereehn gcheit de Arbeit nich uuten Wegg
    datt Füüerholt wiärmt mii vielle Moal
    un Oabends denn gesaagten Stapel vör Dii te sain
    auk vandaage hebbt wii wir watt schafft.

    Intüschken iss`t Appril wuorden
    doa liggt so twintig Festmeters
    nu sing ick up mine Hannen en Loblied
    uowwer se bruukt ne Pause
    mancheen hätt´n Tennisarm
    ikk häff en Waldarm.

    Uobber datt Düörneen kan´k nich guott sain
    een Dagg uutrösten sall mie rieken
    Muorn goah ik wiär loss
    in de Nacht quiällt miee denn Ellenbogen
    uowwer de Sloaap heilt miene wunnen auk
    mieen Vöörbelt noamt van Aaken.

    Intüschken sinn wii innnen Wonnemonat
    de Iishilligen hebbt sikk pünktlich innstellt
    et riängt üm`t verrecken nich
    aobber mett`t Holt bin ik wieet wegg
    unn ob Du`ett glöwwst, oor auk nich
    van Aaken is daut, siien Credo holl ik in Ehren.

    in Allgemein /by red_klaus/#permalink

    Januar 2021
    M D M D F S S
    « Dez    
     123
    45678910
    11121314151617
    18192021222324
    25262728293031

    ← durch nichts zu ersetzen (Vorheriger Beitrag)
    (Nächster Beitrag) Schöne neue Welt VII →

    Neueste Beiträge

    • Mein neongelber Knopf
    • Freiheit XI
    • Laufen zur Freude III
    • TINA visuell25/12/2020 - 11:46
    • Der Sound aus dem Ohr01/08/2020 - 11:47

    Archive

    © Copyright - Kopfablage | Klaus Wethmar
    • Impressum
    • Disclaimer
    • Datenschutz
    • Partnerseiten
    • Kontakt