Sess Minütkes
Sess minütkes
de kuemm ik neiger
schritt för schritt
för dusend daovon
dat lött sikk efak riärknen
wuu goah ik daomet üm
wennt muorn so wiet ist
denn dat et kümmp
doa geiht kein wegg dran vörbie
dat stükksken von nich moal drei meters
inn een sekündken
dat is mi genoog
unn auk wenn dann denn dagg kümmp
upp miene egenen beene
dat leste moal
miene frönde to besöken
unn mie wet kloar
muorn kuemm ik nich wier
goah ik tefriär wier no hues henn
denn et is gewiss
dat ik fleigen kann.